Ձեր անձնական էջ մուտք գործելուց առաջին պատուհանը ունենալու է հետևյալ տեսքը։

Նոր պատվերը գրանցելու համար անհրաժեշտ է սեղմել «+Ստեղծել նոր պատվեր» կոճակը։

«+Ստեղծել նոր պատվեր» կոճակը սեղմելուց հետո բացվելու է նոր պատվերի գրանցման էջը, որտեղ անհրաժեշտ է լրացնել պատվերի մասին տեղեկությունները՝ ըստ նշված հերթականության։

Առաջին քայլում անհրաժեշտ է լրացնել ապրանքի անվանումը։

Նույն պատվերի մեջ մեկից ավել ապրանք գրանցելու համար անհրաժեշտ է սեղմել «+Ավելացնել» կոճակը, և գրանցել:

Ապրանքների անվանումները ավելացնելուց հետո անհրաժեշտ է սեղմել «Շարունակել» կոճակը։

Երկրորդ քայլում անհրաժեշտ է նշել, թե որ Smart Locker-ում եք ցանկանում տեղադրել ապրանքը։

Smart Locker-ի ընտրությունից հետո անհրաժեշտ է սեղմել «Շարունակել» կոճակը։

Երրորդ քայլում անհրաժեշտ է լրացնել հասցեատիրոջ մասին տեղեկությունները։

«Անուն ազգանուն» և «Հեռախոսահամար» դաշտերը ենթակա են պարտադիր լրացման։
«Էլ․ հասցե» և «նշումներ» դաշտերը կարող եք լրացնել ցանկության կամ անհրաժեշտության դեպքում։

Տեղեկությունները լրացնելուց հետո անհրաժեշտ է սեղմել «Ստեղծել պատվեր» կոճակը։

Պատվերը ստեղծելուց հետո այն կավելանա ձեր գլխավոր էջում, որտեղ կարտացոլվեն՝

- պատվերի հերթական համարը (#),

- պատվերի կոդը (Պատվեր),

- հասցեատիրոջ անունը, ազգանունը և կոդը (Հասցեատեր),

- ընտրված լոքերի հասցեն (Լոքեր),

- պատվերում առկա ապրանքների քանակը (Քանակ)։

Պատվերը էջում ավելացնելուց հետո անհրաժեշտ է հաստատել դրա առաքումը։
Հաստատելու համար անհրաժեշտ է սեղմել «Հավաքագրում» կոճակը, անցնել հղումով և կատարել համապատասխան քայլերը։

«Հավաքագրում» պատուհանում արտացոլվում է պատվերի մասին ավելի մանրամասն ինֆորմացիան։

Յուրաքանչյուր պատվերի համար տրամադրվում է շտրիխ կոդ, որը կարող եք ստանալ, սեղմելով «ՏՊԵԼ» կոճակը։

«ՏՊԵԼ» կոճակը սեղմելուց հետո էկրանին կհայտնվի տվյալ պատվերի շտրիխ կոդը և այն տպելու պատուհանը։

Շտրիխ կոդը անհրաժեշտ է տպել և փակցնել փաթեթավորման վրա։

Շտրիխ կոդը փակցնելուց հետո անհրաժեշտ է սեղմել «ՀԱՎԱՔԱԳՐԵԼ» կոճակը, որը պատվերի մասին տեղեկությունը կուղարկի Օնէքսի գրասենյակ և կվերածվի «ՉՀԱՎԱՔԱԳՐԵԼ»-ի։

Մնում է միայն ներկայացնել ապրանքը Օնէքսի պահեստ, որտեղից այն կառաքվի նշված լոքեր։