Փոփոխությունը վերաբերում է օդային և վերգետնյա առաքումներին․ դրանց դեպքում գերծավալային քաշի հաշվարկ այլևս չի կիրառվում։ Ծովային առաքումների դեպքում հաշվարկը շարունակում է կատարվել գործող պայմաններով։
Իրավաբանական անձանց դեպքում, անկախ առաքման տարբերակից, հիմք է ընդունվում փաստացի և ծավալային քաշերից առավելագույնը։ Մեծածախ առաքումների համար հնարավոր է ստանալ անհատական սակագին՝ լրացնելով համապատասխան հարցումը։

Նոր պայմանը չի տարածվում ավտոմեքենայի թափքի մասերի վրա։ Այս ապրանքների դեպքում հաշվարկվում են առաքանու և՛ փաստացի, և՛ ծավալային քաշերը, և հիմք է ընդունվում դրանցից առավելագույնը։

Ավտոմեքենայի թափքի մասեր են համարվում, օրինակ՝ բամպերը, թևը (крыло), շարժիչի ծածկը (капот), դուռը, բեռնախցիկի կափարիչը, տանիքը, շեմը (порог), կողային վահանակները, առջևի և հետևի թափքի վահանակները, ռադիատորի շրջանակը և նմանատիպ արտաքին կամ կառուցվածքային դետալները։