Barbie

Barbie

Այս հուլիս Warner Brothers և Mattel Films ընկերությունները մեծ էկրաններ են բարձրացնելու աշխարհի ամենահայտնի տիկնիկի մասին պատմող ֆիլմը՝ «Barbie»-ն։

Barbie

Այս հուլիս Warner Brothers և Mattel Films ընկերությունները մեծ էկրաններ են բարձրացնելու աշխարհի ամենահայտնի տիկնիկի մասին պատմող ֆիլմը՝ «Barbie»-ն։

Barbie

«Little women» ֆիլմը հեղինակած Գրետա Գերվիգ ռեժիսորի այս սիրային կատակերգությունը պատմելու է հազարավոր աղջիկների համար ընկերուհի դարձած Բարբի տիկնիկի արկածների մասին։ Ոչ կատարյալ տիկնիկ լինելու պատճառով Բարբիլենդից վտարվելուց հետո Բարբին մեկնում է իր երջանկությունը գտնելու ճանապարհորդության։

«Barbie»-ի նկարահանման պատմությունը

Universal Pictures-ի կողմից Ֆիլմի նկարահանման մասին հայտարարվել էր դեռ 2009 թ-ին։ Սակայն 2014 թ-ին հայտնի դարձավ, որ Sony Pictures-ը ձեռք է բերել ֆիլմի իրավունքները և կոմիկ Էմի Սշումերը ընտրվել է Բարբիի դերի համար։ Հետագայում իր թիմի հետ կրեատիվ անհամաձայնություններ ունենալու պատճառով Սշումերը թողեց նկարահանումները, և դերն անցավ Էնն Հեթեվեյին։ Սակայն, չնայած մեծ սպասնումներին, դա չփրկեց ֆիլմի նկարահանումները ձախողվելուց, և ընկերության պայմանագիրը Mattel-ի հետ սպառվեց։ Այդպես ֆիլմի իրավունքները անցան Warner Brothers-ին։

Դերասանական կազմը

Մարգո Ռոբբի
Բարբի
The Hollywood Reporter-ի հետ զրույցում Ռոբին հայտնել է, որ մարդիկ անմիջապես պատկերացում են կազմում ֆիլմի մասին՝ իմանալով, որ նա այնտեղ Բարբիի դերն է խաղալու։ Սակայն, ըստ դերասանուհու՝ նրանք լրիվ այլ բան են պատրաստել մեզ համար, մի բան, որին մենք չենք սպասում։
Ռայան Գոսլինգ
Քեն
Գոսլինգը «The Tonight Show»-ի եթերում պատմեց, որ «Բարբի»-ի սցենարը իր կարդացած լավագույն սցենարն էր։ Մի զարմանալի պատահականություն նրան դրդեց համաձայնել ֆիլմում մարմնավորել Քենին։ Դերի առաջարկը ստանալուց հետո դերասանը իր բակում տեսավ իր դստեր Քեն տիկնիկին, ցեխի մեջ գցած, և անմիջապես գրեց ռեժիսորին։
Էմմա Մաքի
Բարբի
«Այս ֆիլմում լացել չկա: Սա լինելու մաքուր ամերիկյան կատակերգություն։», նշել է Մաքին Empire-ի հետ զրույցում։ Ըստ նրա՝ «Բարբի»-ն լինելու է թեթև, զվարճալի, հիմարիկ ու վարդագույն։ Այն տարբեր առումներով շատ անսպասելի է լինելու և հնարավոր է, որ չհամընկնի հանդիսատեսի սպասումների հետ։
Սիմու Լիու
․
«Ֆիլմը շատ տարօրինակ է։ Բայց տարօրինակ` այդ բառի ամենալավ իմաստով», պատմել է դերասանը CinemaBlend-ին։ Երբ Լիուն ստացավ դերի առաջարկը, իր գործակալը, ասեց, որ եթե հանկարծ ֆիլմը լավը դուրս չգա, կարող է իրեն գործից հեռացնել։ Դերասանը ավելացրեց, որ ուրախ է, որ ֆիլմը մեկնարկեց նորաձևության նոր թռենդ:
Մայքլ Սերա
․
Սերան ET-ին հայտնել է, որ «Բարբի»-ն իր առաջին ֆիլմն էր, որի մանրամասների մասին հանրությունը տեղյակ էր նախքան դրա վրա աշխատանքների ավարտը։ Նույնիսկ երբ դերասանը նոր պետք է մեկներ նկարահանումների, օդանավակայնի մաքսավորները արդեն գիտեին, որ ֆիլմում Քենի դերը խաղալու է Ռայան Գոսլինգը։ Սերան վստահ է, որ ֆիլմը հիանալի է լինելու։
Իսսա Ռեյ
․
TODAY-ի հետ հարցազրույցում Ռեյը ասել է, որ Գերվիգի հետ աշխատելը բացարձակապես զարմանալի փորձ էր։ Ֆիլմի գաղափարի մասին լսելուց հետո դերասանուհին մտածեց, թե այն խենթություն է, բայց երբ կարդաց դրա սցենարը, ավելի լավ պատկերացրեց ռեժիսորի տեսլականը և համոզվեց, որ ֆիլմը շատ օրիգինալ և զվարճալի է լինելու։

«Barbiecore» ոճը

«Բարբի» ֆիլմի էսթեթիկան իր թողարկումից առաջ արդեն հասցրել է նկատելի ազդեցություն թողնել նորաձևության ոլորտի վրա։ Նկարահանման վայրերից լուսանկարները արագ տարածեցին Մարգո Ռոբբիի զգեստները, որոնք առանձնանում էին իրենց վառ պաստելային գույներով։ Նախկինում շատ պարբերականներ կանխատեսում էին 2023 թ-ին վարդագույնի նորաձև գույն դառնալը, սակայն «Բարբի»-ի թրեյլերի դուրս գալուց հետո դա դարձավ ակնհայտ։ Ինչպես նշում են «Vogue»-ն ու «The New York Times»-ը նեոնային վարդագույնը, դեղինը ու դասական նորաձևության օրենքները խախտող այլ երանգները մի փոքր էժանոտ տեսք ունեցող հագուստում դառնալու են այս ամառվա նոր թրենդը՝ Barbiecore-ը։

Ոգեշնչվե՛նք Barbie-ի ոճով և պատրաստվե՛նք Barbiecore-ին։