Մինչ Այրիսը տառապում է անպատասխան սիրուց, գործարար Ամանդա Վուդսը իմանում է իր սիրելիի դավաճանության մասին և որոշում է լիովին փոխել իր կյանքը։ Շուտով երկուսն էլ գտնում են իրար սոցցանցերում և որոշում են փոխանակվել իրենց տներով Սուրբ Ծննդյան տոների համար՝ անգամ չկասկածելով, թե որքան ճակատագրական որոշում են կայացրել։

Քրոջ մահից հետո Ջուլսը դառնում է իր երկու զարմիկների խնամակալը։ Սուրբ Ծննդյան տոների նախօրեին ընտանիքը մեկնում է Եվրոպա իրենց պապի հրավերով, ում մասին ոչ ոք չգիտեր։ Այնտեղ Ջուլսը և նրա զարմիկները հանդիպում են հաճելի անակնկալների և հետաքրքիր դեպքերի։

Ֆիլմը ռոմանտիկ կատակերգություն է, որտեղ Լինդսի Լոհանը, երեսառած ժառանգորդուհու դերում, դահուկներով սահելիս վթարի հետևանքով կորցնում է հիշողությունը և Սուրբ Ծննդի նախօրեին հայտնվում է Նորթսթար տնակի ամուրի տիրոջ խնամքի տակ։

Փորձելով վերադարձնել իր նախկին ընկերոջը՝ հերոսուհին փչացնում է իր ժամադրությունը Մայլսի հետ: Բախտի բերմամբ, երբ ժամացույցը հարվածում է կեսգիշերը, նա հնարավորություն է ստանում ևս մեկ անգամ վերապրելու Սուրբ Ծննդյան գիշերը: Այս դեպքն օգնում է նրան ուղղել առաջին ժամադրության ժամանակ թույլ տված սխալը և հասկանալ, թե ինչ հրաշալի ընտանիք և ընկերներ ունի նա իրականում։

Իրադարձությունները տեղի են ունենում 11 քաղաքներում։ Ֆիլմի հերոսներն են տաքսու վարորդը և փոփ-դիվան, գործարարը և դերասանը, սնոուբորդիստը և դահուկորդը, ուսանողը և թոշակառուն, հրշեջը և տնօրենը, գողը և ոստիկանը, հյուրատան աշխատողը և Ռուսաստանի նախագահը։ Նրանք բոլորն էլ Ամանորի հենց նախօրեին հայտնվում են շատ ծանր իրավիճակում, և միայն հրաշքը կօգնի նրանց։

Ֆիլմի հերոսները նյույորքցիներ են։ Ամանորի նախաշեմին այս քաղաքը միահյուսելու է մի քանի հերոսների կյանքը՝ հիվանդանոցում մահացող տարեց տղամարդու, քարտուղարուհու, ով որոշել է կատարել ինքն իրեն տված խոստումները, Թայմս Սքվերում ամանորյա հայտնի շոուի պրոդյուսերի և մարդու, ով ընդհանրապես ատում է այս տոնը:

Տոնական օրերին միայնակ լինելուց հոգնած երկու անծանոթ մարդիկ համաձայնում են լինել պլատոնիկ ընկերներ ամբողջ տարվա ընթացքում, սակայն այդ ընթացքում նրանց մոտ իրական զգացմունքներ են առաջանում: